AGIK-IK

is created to showcase Cebuano jokes at its side-splitting best. We welcome jokes from you. And if they make us laugh, we will have them posted here with your name cited with it.

Faces of Life

 WAIS NGA DRAYBER

Juan: Bai Pedro, problema! Atong kwarta P8 ra gyud. Dili ta makaplete ini.

Pedro: Ayaw kabalaka, Bai Juan, kay ang driver libat.

Juan: Mao ba, Bai? Sige, palihug kog tunol ining atong plete.

(Tuod man, gitunol ni Pedro ang kwarta ngadto sa driver.)

Drayber: Hoy, Dong! Kulang man ni inyong plete.

Pedro: Unsay kulang, Noy, nga P16 baya na. Busa plete na namo nang duha.

Driver: Ayaw binuang diha, Dong. Unsay duha. Ilara ko tits, upat mo kabuok. [Classic Cebuano Joke ]

 

MAY NAHITABO NI HITLER

Tungod sa kagrabe sa mga kadaut nga gihimo ni Hitler ug sa iyang mga ginsakpan nga mga Nazi sa kinabuhi sa mga Hudeyo, ang mga piling sundalo sa Allied Forces nagplano sa pagpatay kaniya. Tuod man ilang nahibaw-an ang dalan diin kanunay moagi si Hitler sa tukmang oras. Busa nangandam sila pagbanhig ni Hitler aron maundang na ang iyang mga kasal-ana. Apan nilabay ang 5 minutos, apan wala pa gayo’y Hitler nga niaagi. Dies minutos, way Hitler. Biente minutos, way. Busa nakuyawan na ang mga sundalo. Usa ka sundalo niduol sa iyang opisyal sa tumang kahingawa.

Sundalo (niingon sa iyang opisyal): Wala kahay dautang nahitabo ni Hitler? [Gihubad gikan sa pelikulang Man of the Year]

 

UGMA DAMLAG NAAY MAPUPO

Usa ka pangulog NGO nangampanya alang sa Green Revolution nga programa. Ang lisod lang sa iyang trabaho mao ang iyang pagkanguho. Sa dihang naabot na sa punto aron pagpasabot unsay kaayuhan sa pagpananum og mga kakahuyan, nagkanayon siya: “Mga ngahingalaan, an minakaimortanteng hinundan niinin proyetoha alan sa inyon mana anak mao na–an inyon mana anak umadam-ag naay mamumo.” [Classic Cebuano Joke ]

 

MOPULI

Empleyado (ngadto sa tag-iya sa negosyo): Sir, namatay na man gayud ang atong manedyer, puyde akoy mopuli niya?

Negosyante: Puyde man. Apan mosugot kaha ang punerarya? [Gikan sa Gitikgitik: Mga Pasiawng Binisaya]

 

TAAS OG KOLESTEROL

Apo: Lo, ngano mang nagkiangkiang man kang naglakaw nga gikan man ta ka sa doktor aron magpatambal sa imong high-blood.

Lolo: Ingon man gud ang doktor, Apo, nga likayan nako ang itlog kay taas og kolesterol.

 

SABAKA

Konduktor: Noy, sabaka na lang nang imong anak.

Amahan: Pagtarong diha, Konduktor, ha! Misakay man gani mi kay nagdali. Sa baka na hinuon nimo siya pasakyon!

 

PANGUTANANG WAY KAHUMANAN

Amahan:   Anak, paliti kog softdrinks.
Anak:   Coke o Pepsi?
Amahan:   Coke.
Anak:   Diet o regular?
Amahan:   Regular.
Anak:   Botelya o can?
Amahan:   Botelya.                                                                                                                                                                                                                                                 Anak:   8 oz. o litro?
Amahan:   Punyeta! Tubig na lang!
Anak:   Gripo o mineral?
Amahan:   Mineral.
Anak:   Bugnaw o dili?
Amahan:   Lambusan ta man kag silhig ron!
Anak:   Lanot o tukog?
Amahan:   Animal man siguro ka!!!
Anak:   Baka o baboy?
Amahan:   Layas diri!!!…Layas!!!
Anak:   Karon o ugma?
Amahan:   Karon na!!!
Anak:   Karong orasa or karong adlawa?                                                                                                                                                                                              Amahan:   Grrr!! Patyon tika karon!!!
Anak:   Tuk-on o pusilon?
Amahan:   Pusilon!!!
Anak:   Sa ulo o sa tiyan?
Amahan:   Pisteee!!!
Anak:   Ok-ok o ilaga?
Amahan:   Aaaahhhhh…. Buang!!!
Anak:   Ikaw o ako? [Modified from source My Cebuano Jokes]

 

ASSIGNMENT

Juan: Bai Pedro, naka-pass na ka sa imong assignment?

Pedro: Oo, Bai Juan naka-pass na pero wala koy tubag sa mga pangutana. Busa nag-pass ra kog blanko nga papel.

Juan: Hala, Bai Pedro! Unsaon man nato ni? Basin magtuo sila nga nagkopyahanay ta!

 

HILIG SA BASKETBOL

Ang mag-amigong Juan ug Pedro hilig gyud sa basketbol. Gani bisag mamatay na sila, gusto gihapon silang magdulag basketbol. Apan tungod kay wa man sila kahibalo kon asa naay basketbol, sa Langit ba o sa Empyerno, nagkasabot sila nga kun kinsay mo-una nilag kamatay mobalik gayod aron mopahibalo sa nahibilin. Pipila ka tuig nga nilabay, namatay si Pedro. Usa ka gabii niana, nakadungog si Juan og tingog nga morag si Pedro.

Juan: Bai Pedro, ikaw na?

Pedro: Oo, ako ni Bai Juan.

Juan: Unya, Bai, asa man ka ron nahimutang?

Pedro: Sa kaluoy sa Diyos, Bai, naa ko sa Langit.

Juan: Mao ba, Bai? Unya naay basketbolan sa Langit?

Pedro: Naa koy maayo ug dautang balita nimo, Bai.

Juan: Unsa man ang maayong balita, Bai?

Pedro: Ang maayong balita, Bai, naay basketbolan sa Langit. Gani nagliga mi karon.

Juan: Unya unsa may dautang balita, Bai.

Pedro: Ang dautang balita, Bai, kita maoy sa pikas team ka makadula ugma. [Modified from My Cebuano Jokes]

 

KUN DILI GUSTO MAMATAY

Doktor: Juan, gikasubo ko apan ako nang gitagalan ang imong kinabuhi.

Juan: Apan, Dok, dili pa ko gusto mamatay. Wa na ba koy paglaum? Unsay angay nakong buhaton?

Doktor: Pagminyo na lang, Juan, og batig nawong unya witwitan pa gyud.

Juan: Ngano man diay, Dok, makaayo na nako?

Doktor: Dili, apan pinaagi ana mas pilion pa nimong mamatay kaysa motaas pa ang imong kinabuhi.

 

ANG MANANAUG

Juan: Bai Pedro, ngano gong magul-anon man ka diha.

Pedro: Nagdamgo ko, Bai Juan, nga nakauban nako ang 50 ka mga kontestant sa Miss Universe ibabaw sa stage.

Juan: Kaayo ana da! 50 gyud kabuok! Dili ka angay maguol ana. Angay ka maghudyaka!

Pedro: Bai Juan, ako ang nidaug!!!

 

DILI MOADTO SA LANGIT

Mao pa lang gayu’y pagkahuman sa leksyon sa Maestra bahin sa Langit. Busa gusto siyang makahibalo kon naa bay nakat-unan ang iyang nga tinun-an sa elementarya.

Maestra: Karong nakahibalo na mo kun unsay Langit, kinsay gusto moadto sa Langit?

Niisa ang tanang tinun-an sa ilang mga kamot gawas ni Juan.

Maestra: O Juan, wa lagi ka ming-isa sa imong kamot. Di ka gusto moadto sa Langit?

Juan: Dili, Ma’am. Pasayuhon kog uli ni Mama. [Modified from Gitikgitik: Mga Pasiawng Binisaya]

 

ANG NAGTUO SA DIYOS

Nangumpisal: Dre, mangumpisal ko.

Pari: Unsa may imong sala?

Nangumpisal: Nakapatay kog 29 ka tawo.

Pari: Nganong gipatay man nimo sila?

Nangumpisal: Gipatay nako sila, Dre, kay motuo man gud silag Ginoo. Ikaw, Dre, motuo kag Ginoo?

Pari: Sa una… Pero karon, trip-trip na lang.  [Modified from Jeepney Gang]

 

DI PUEDE ANG BAKLA SA LANGIT

Pari: Hunahunaag maayo kay dili ra ba puede ang bakla sa Langit.

Bakla: OK ra, Dre. Sa rainbow na lang ko magslide-slide. [From Jeepney Gang]

 

DUGANG PASAHERO

Nagkaguliyang na ang mga pasahero sa sulod sa barko nga nihinay na pagtidlum sa dagat.

Pari (nagkurog sa kakuyaw): San Pedro, San Juan, San Jose…

Madre (nagkurog sa kakuyaw): Santa Clara, Santa Monica, …

Intsik (nagkurog sa kalagot): Hapit na ta lunod. Unya tawak pa mo pasahelo! [From Jeepney Gang]

 

GASA SA WEDDING ANNIVERSARY

Juan: Bai Pedro, wedding anniversary ninyo sa imong asawa, di ba? Unsa may imong gasa niya?

Pedro: Ako siyang dad-on sa Africa, Bai Juan?

Juan: OK kaayo na Bai da, romantic? Unya next year, unsa may imong igasa niya sa inyong wedding anniversary?

Pedro: Kuhaon nako siyag balik. [Modified from Jeepney Gang]

 

CASH

Juan: Bai Pedro, ngano man kaha nga intsik man ang kasagarang kidnapon dinhi sa Pilipinas?

Pedro: Mao ni ang hinungdan, Bai Juan. Kun Pinoy gud, installment ang pagbayad sa ransom. Kun Bombay, 5-6. Kun Amirkano, credit card.

Juan: Unya kun intsik diay, Bai?

Pedro: C.O.D. gyud na. [Modified from Jeepney Gang]

 

KANHI UYAB

Juana: Miss, naa moy baligyang Valentine’s card alang sa mga kanhi uyab?

Tindera: Depende, Ma’am, kun unsay hinungdan sa pagkabulag. Nganong nagkabulag man mo, Ma’am?

Juana: Naay uyab lain, Miss?

Tindera: Aah… Wala mi ana dire, Ma’am. Pero naa na sa may sporting goods section.

Juana: Unsa may ngalan, Miss?

Tindera: Dart! [ORIGINAL]

 

HUNGOG

Grabe ang kaligutgot ni Pedra dihang nalimtan ni Pedro paghatag og gasa pagka-Valentine’s Day.

Pedra: Sus, Pedro! Pagkahungog gyud nako nga nakigminyo nimo oi!

Pedro: Mao gyud, Pedra! Ang nahitabo lang, in-love kaayo ko nimo adtong panahuna nga wa gyud ko kabantay ana! [ORIGINAL]

 

ANGHEL

Juan: Bai Pedro! Ang akong asawa, Bai, sus, grabe! Anghel gyud kaayo.

Pedro: Maayo ka Bai Juan. Ang akong asawa, sus, wa pa gyud maanghel. Buhi pa gyud kaayo tawon. [ORIGINAL]

 

ARON PAMINAWON

Juan: Bai Pedro! Problema gyud ko, Bai!

Pedro: Ngano man, Bai Juan?

Juan: Akong asawa, Bai, di gyud maminaw  nako bisag ika-40 nga Valentine’s Day na ni namo.

Pedro: Sayon ra na, Bai Juan.

Juan: Unsaon man, Bai Pedro?

Pedro: Unya isulti kanang nakatulog na ka kay maminaw gyud na tanan. [ORIGINAL]

 

GASTO

Anak: Tay, gusto na ta ko magpakasal sa akong uyab karong Valentine’s Day! Pilay gasto magpakasal, Tay?

Amahan: Ambot lang, Dong, kay hangtud ron nagbayad pa man gihapon ko. [ORIGINAL]